Të presësh të marrësh shpërblim edhe nëse nuk falesh, por pse zemrën e ke të pastër, është sikur të presësh të marrësh rrogë edhe nëse nuk punon, por pse zemra të punon!

Mjerëpër ty nëse ke kohë të qëndrosh në Facebook me orë, e nuk ke kohë Kur’anin ta prekësh me dorë!

Mjerë për ty nëse ke kohë të qëndrosh me orë para ekranit, e nuk ke kohë të lexosh dy tri faqe të Kur’anit.

Në shumë raste sot më shumë punohet për largimin e ndonjërit nga një xhematë në një xhematë tjetër, se sa për largimin e ndonjërit nga devijimi në udhëzim.

Të vjen turp ty t’i thuash dikujt: Mos rrejë! ndërsa nuk i vjen turp atij fare të gënjejë.

Nëse arrin në atë shkallë që vetveten e sheh si e vërteta e vetme e pranuar, çdokush që do të kundërshtojë ty do të duket i humbur dhe i devijuar.

Sjelljen e vërtetë të njerëzve do ta kuptosh atëherë kur ata nuk kanë nevojë për ty. Se përderisa kanë nevojë për ty, të gjithë do të sillen mirë ndaj teje.

Të parët tanë i kanë shpejtuar punët e tyre, që pastaj të kenë kohë më të gjatë për ibadet. Ndërsa ne i shpejtojmë ibadetet tona, që pastaj të kemi kohë më të gjatë për punë...