Kujdes o vëlla

Kujdes vëlla nga dijetarët e Facebook-ut,
kujdes mos të biesh në gojën e ujkut,
kujdes nga kush ti sot merr dituri,
kujdes nga çdokush që bën kurthë për ty.

Kujdes nga ata që shajnë dijetarët,
kujdes nga ata që nënçmojnë hoxhallarët,
kujdes nga ata që shkruajnë në tastierë,
e në dituri të pastër as që marrin erë.

Kujdes nga ata që i shpallin bidatçi,
dijetarët, hoxhallarët, mua edhe ty,
që ditën dhe natën merren me gibet,
dhe veten e quajnë selefi të vërtetë.

Kujdes nga ata që nuk kanë kontrollë,
që nuk kanë dituri e nuk kanë as shkollë,
që askund nuk lënë një njeri të mirë,
por gjithë botën mbarë e bëjnë tekfir.

Kujdes nga ata dhe ruaju prej tyre,
që nuk njihen në emër e as për fytyre,
që shkruajnë dhe vetëm fshihen pas ekranit,
e ndoshta nuk dijnë as shkronjat e Kur’anit.

Hoxhë Omer Bajrami
www.omerbajrami.com