Shtrëngimi i varrit!

Varri e ka shtrëngimin e tij. Prej shtrëngimit varrit nuk ka për të shpëtuar askush! Asnjë njeri s’ka për të shpëtuar prej shtrëngimit varrit. Allahu na e lehtësoftë atë. Thotë Muhamedi (salallahualejhiveselem): Sikur të shpëtonte dikush prej shtrëngimit varrit, do të shpëtonte Sead Ibn Muadhi. Sead Ibn Muadhi, i cili kur ka vdekur është dridhur Arshi i Allahut (subhenahu ve teala). Sead Ibn Muadhi, që xhenazen e tij e kanë falur 70 000 melaike. Sead Ibn Muadhi, i cili e ka pasur mindilin e tij në Xhenet, që ka vlerë më shumë se krejt kjo dunja dhe çka ka në të. Edhe Sead Ibn Muadhi nuk ka shpëtuar prej shtrëngimit të varrit! A do të shpëtojë dikush prej neve prej shtrëngimit të varrit?!

Nuk kam parë asnjë pamje në këtë dunja, përveçse varri ia ka kaluar asaj. Ka qenë pamja më e trishtueshme se çdo gjë. (Hadith)

Vëllezër të dashur, një njeri hyri te Omer Ibn AbdulAzizi dhe e pa që fytyra e tij ishte prishur, sytë e tij ishin enjtur, mjekra e tij ishte lagur prej lotëve. Tha o Omer, sikur të kisha parë dikund tjetër, nuk do të kisha njohur vallahi. Çka ka ndodhë kështu me ty që ke qajtë kaq shumë? Tha: Vallahi nëse vjen pas tri ditëve, të më vizitosh në varrin tim, do të shohësh se fytyra ime është prishur edhe më shumë!

Hoxhë Omer Bajrami

Gjithashtu mund të ju pelqej...