Category: Thënie

Sikur të festonim ne Bajramin në këtë mënyrë, duke krisur dhe duke penguar gjithë të tjerët në mesin e ditës dhe natës, a thua mediat antiislame sa zhurmën do e kishin bërë kundër këtij “terorizmi”?!

Të parët tanë nuk e kanë paramenduar musliman të mirë atë i cili nuk falet natën, ndërsa tek ne mund të llogaritet musliman i mirë edhe ai që nuk falet ditën.

Të presësh të marrësh shpërblim edhe nëse nuk falesh, por pse zemrën e ke të pastër, është sikur të presësh të marrësh rrogë edhe nëse nuk punon, por pse zemra të punon!

Mjerëpër ty nëse ke kohë të qëndrosh në Facebook me orë, e nuk ke kohë Kur’anin ta prekësh me dorë!

Mjerë për ty nëse ke kohë të qëndrosh me orë para ekranit, e nuk ke kohë të lexosh dy tri faqe të Kur’anit.

Në shumë raste sot më shumë punohet për largimin e ndonjërit nga një xhematë në një xhematë tjetër, se sa për largimin e ndonjërit nga devijimi në udhëzim.

Të vjen turp ty t’i thuash dikujt: Mos rrejë! ndërsa nuk i vjen turp atij fare të gënjejë.

Nëse arrin në atë shkallë që vetveten e sheh si e vërteta e vetme e pranuar, çdokush që do të kundërshtojë ty do të duket i humbur dhe i devijuar.