Mos i harroni këto dy ilaçe!

Përveç barnave të shumta që njeriu mund t’i përdorë në jetën e tij kundër sëmundjeve të ndryshme, ne si besimtarë kemi siguri gjithashtu edhe në disa ilaçe të rëndësishme të cilat janë mbrojtje, po edhe shërim nga shumë sëmundje. Dhe atë:

– Mjalti, i cili është i lavdëruar në Kuran. Thotë Allahu i Madhëruar: “..Në të ka shërim për njerëzit..”. (Nahl 69)

Mjalti mund të hahet ashtu si është dhe mund të pihet i përzier me pak ujë. Pirja e tij është më e mirë dhe më e dobishme për shëndetin e njeriut. Kjo gjithashtu ka qenë menyra e praktikës së Muhamedit (salallahu alejhi ve selem).

-Dhe fara e zezë, e cila është e lavdëruar në hadith. Thotë Muhamedi (salallahu alejhi ve selem): “Ajo është shërim për çdo sëmundje, përveç vdekjes”. (Transmeton Buhariu dhe Muslimi)

Fara e zezë mund të hahet ashtu si është, mund të pihet si vaj dhe mund të pihet në formë të kapsulave. Është e përshtatshme për të gjithë, për të rritur apo fëmijë, përveç për gratë shtatzënë deri në muajin e parafundit të shtatzënisë.

Përdorimi i këtyre ilaçeve forcon imunitetin, mbron nga shumë sëmundje dhe shëron shumë sëmundje.

Në raste të caktuara ose të komplikuara, para përdorimit të tyre, duhet konsultuar mjeku.

Hoxhë Omer Bajrami