Më mirë është të jeshë i akuzuar për shkak të Sunetit, se sa të jeshë akuzues i Sunetit. Pas të gjitha akuzave thuaj: Elhamdulilah.

Ata që mundohen t’i ndërrojnë fjalët tua duke qenë ti gjallë, a mendon se nuk do të mundohen t’i ndërrojnë fjalët e atyre që kanë vdekur para qindra viteve?!

Jo çdo përparim është i lavdëruar. Dikush mund të përparojë të hyjë para tjerëve në Xhehenem. Kujdes!

Interesant është me ata njerëz që me një gjysmë libri të lexuar, janë në gjendje gjysmën e umetit për ta gjykuar.

Sikur zë vend epshi në pasimin e mendimeve tolerante, ashtu zë vend edhe në pasimin e mendimeve ekstreme, varësisht prej tipit të njeriut. Andaj kujdes! Paso argumentin, duke e ruajtur sinqeritetin.

Njeriu kur e kujton rrogën e madhe, e harron punën e vështirë. E besimtari kur e kujton shpërblimin, e harron lodhjen e ibadetit.

I këshilloj prindërit që mos t’i vonojnë fëmijët e tyre nga hallalli, e të bëhen shkaktar që t’i dërgojnë ata në haram.

Mundohemi të jemi të pastër ndaj Allahut, e pastaj të  pastër edhe  ndaj çdo vëllaut, e ata të cilët nuk ndalen dhe na akuzojnë, akuzat e tyre kurrë nuk mund t’i dëshmojnë.